Hè sciuta a traduzzione in corsu di u libru di storia pà e terze.


Di pocu hè sciutu in corsu l'ultimu libru di a cullizzione Hatier pà u cullegiu, ci hè à dì quellu pà a scola di terza.
Oramai a cullizzione hè cumpleta : i insignanti abilitati in lu sicondu gradu anu una seria di libri tutta in lingua corsa à a so dispusizione par accumpagnà u so insignamentu.
Signalemu ancu a traduzzione di i quaterni d'attività da a siesima à a quarta pà i sculari.
Filicitemu a squadra chì s'hè incaricata di ste traduzzione, u travagliu ùn mancava.

Allocc'à a fine di l'annu vinarà pubblicatu dinò u quaternu pà e terze.

Isti libri sò dispunibuli in dutazione gratuita par chì ne face a dumanda, basta ch'ella si tratti d'una filiera bislingua o puru miditarrania.