Guerra di 14



In issu testu, mai publicatu, un pueta corsu face u rimbeccu à quelli ch’ùn anu vulsutu parte, è à e so famiglie chì senza dubbitu i prutigianu. L’autore hè Ghjuvan’ Santu Versini, istitutore in Marignana, chì fundò in marzu di u 14 a rivista a Cispra (un solu numaru isciutu), sprissione d’una vulintà di fà rinasce una litteratura corsa, cumu dì u prima soffiu di ciò chì fù chjamatu l’autonomisimu. D’apressu à Dumenicantone Geronimi, isse frezze eranu tirate versu una famiglia di u rughjone.Quì, a puesia ci dà à riflette à nantu à l’accunsentu di una forte maggiorità di i Corsi. Si ricunnoscenu qualch’ imagine « classiche » di a guerra vista dà i cuntempurani : u nemicu hè un latru ch’affanna e populazione ; ci vole, pà i « cristiani », à difende a « fruntiera », a « bandera », à salvà i nucenti e à vindicà l’omi chì dighjà sò cascati. U pueta autonomistu, quì, si sprime da patriottu francese, in piena cunfurmità cù a so epica. À tempu, ci palesa chì uni pochi d’accunsentu ùn eranu.

I TraditoriAiutu ! chjama la Francia ,Chì sò ghjunti li latroni ;Ghjornu è notte più nun stanciaLa voce di li cannoni,Cù l’arcusgiu è cù la lancia.Aiutu, i me figliuloni !Si vedenu à la fruntieraL’omi di sanna è di core ;Si battenu mane è seraSi batten’à tutte l’ore.À l’ombra di la bandera,Cantendu, sò pronti à more.Ch’elli sterpinu i vigliacchiChì fughjenu la battaglia ;Ùn sò omi chì sò bracchi,Ùn sò ghjente, sò canaglia.Possan’elli turnà macchiCum’è sorbule in la paglia.Ùn sentenu e cose atroceCh’elli facenu i prussiani,È ùn sentenu la voceChì grid’ « aiutu, ò cristiani ».Ch’elli sianu mess’in croceÀ l’infernu più suttanu.Tanti paesi brusgiati,Tanta ghjente arruinata,Tanti vechji fucilati,Tante giovane insultate,Tanti fratelli cascati !È voi, ò porchi, scappate.Sì vo’ ci sete, O Signore,Sì vo’ mi pudete sente,In la casa senz’onoreStirpateci roba è ghjente ;Fate chì lu traditoreMurendu ùn si possa pente.s. d. - d’appressu à Mathieu Ceccaldi, Anthologie de la littérature corse, Klinsieck, Paris, 1973, pp. 206-207.

Tema : Guerra di 14Chjave : Disartori - guerra Livellu : Prima / TerzaPrupostu da : Bastianu OttaviDritti : Libaru usu da a scola - [telecaricà u ducumentu in testu .rtf]url:http://nuticiel.ac-corse.fr/Scambii/download/traditori.doc

     

Rectorat de l'académie de Corse
Boulevard Pascal Rossini
BP 808
20192 Ajaccio CEDEX 4

Tél : +33 (0)4 95 50 33 33
Fax : +33 (0)4 95 51 27 06
Nous contacter

Horaires d'ouverture au public :
du lundi au vendredi
de 9h30 à 11h30
et de 14h30 à 16h
Enquête : «qualité de l'accueil»