Abilitazione pà u insignamentu bislingu

da appruntà l'avvene...



Chì sò i bisogni ?

I zitelli chì sò avvezzi d'aduprà u corsu in iscola volenu esse insignati in lingua corsa. À u cullegiu si tratta di dà attempu unu insignamentu di a lingua è di ghjuvassi di a lingua da amparà altre cose, storia, giugrafia, scenze naturale, matematiche o puru di cummunicà in corsu in tutte l'attività di a ghjurnata sculare.
Sò oghje più di dui mila i zitelli scritti in lu bislingu... Da quì à pocu ci ne sarà in tutti i cullegi.
Ci vole à appruntà una leva nova di prufissori chì sianu pronti à fà u so mistieru in corsu. Pare cusì ma vene menu faciule à insignà in corsu cà à trasmette a lingua. Mancanu e rifirenze, un bellu pocu di lessicu è pà u più u discorsu scintificu d'ogni disciplina.
Cù a pratica, sò cose chì s'avarianu àdaassistà di modu naturale, ma ci vole propiu à salutà u curagiu è a indiatura di quelli chì a si provanu à tene issa scumessa

Cumu scoglie u nodu ?

Ùn era ch'elli mancassinu i prufissori vulintarosi d'aiutà à issa mossa, ma ci vulia à difinisce u quatru di a pratica bislingua di u mistieru.
Par quessa ci vulia à virificà e so capacitai à capisce, parlà, leghje è scrive u corsu.
Abilitazione hè data à quelli chì a li facenu.
Ma ùn bastarà u custatu di una cumpitenza linguistica ginerale.
Issi prufissori saranu aiutati à custruisce a so pratica prufissiunale disciplinaria in lu quatru di furmazione o puru di scambii è di travagliu in reta accademica.
Sò oghje un'uttantina ad avè passatu l'abilitazione.
Dà capu à issa primura nova sarà una priurità di l'anni chì venenu.


     

Rectorat de l'académie de Corse
Boulevard Pascal Rossini
BP 808
20192 Ajaccio CEDEX 4

Tél : +33 (0)4 95 50 33 33
Fax : +33 (0)4 95 51 27 06
Nous contacter

Horaires d'ouverture au public :
du lundi au vendredi
de 9h30 à 11h30
et de 14h30 à 16h
Enquête : «qualité de l'accueil»